انٹرنیشنلاہم خبریں

ووہان شہر میں آئندہ 10دن میں مکمل ٹیسٹنگ کا فیصلہ

ووہان (ویب ڈیسک)چین نے وائرس کے پھیلاؤ کے مرکز ووہان شہر میں وائرس کا پھیلاؤ روکنے اور اس کے مکمل خاتمے کے لیے آئندہ 10 دن کے عرصے میں شہر بھر میں ٹیسٹ کرنے کا فیصلہ کیا ہے۔

خبر رساں ایجنسی رائٹرز کو دستیاب دستاویزات کے مطابق ووہان شہر میں حکام نے پورے شہر میں نیوکلائیک ایسڈ ٹیسٹنگ کا منصوبہ بنایا جس کی بدولت وائرس کی تشخیص میں مدد ملے گی۔

شہر کے تمام اضلاع کو ہدایت کی گئی ہے کہ وہ منگل تک اپنے اپنے علاقے میں ٹیسٹ کے حوالے سے تمام تر تفصیلات جمع کرائیں۔

ایک کرور 10لاکھ آبادی کے حامل شہر ووہان میں کورونا وائرس کا پہلا کیس سامنے آیا تھا اور وائرس کے پھیلاؤ کے بعد کئی ماہ تک لاک ڈاؤن رہا تھا۔

8اپریل کو ووہان سے لاک ڈاؤن کا خاتمہ کردیا گیا تھا جس کے بعد گزشتہ ہفتے کے اختتام پر ووہان میں نئے کیسز رپورٹ ہوئے تھے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button