انٹرنیشنلاہم خبریںاہم خبریں

کورونا کے مریض کی ڈاکٹرسے منگنی

مصرکے ہسپتال میں ڈاکٹر مصباح اور محمد فاہمے ایک دوسرے کی محبت میں گرفتار ہوئے

قاہرہ (ویب ڈیسک )گزشتہ دنوں سوشل میڈیا پر کورونا وائرس سے جنگ لڑتے ہوئے ہسپتال میں معمر اطالوی جوڑے کی گولڈن جوبلی منانے کے چرچے تھے اور اب ایک ڈاکٹر اور کورونا کے مریض کی منگنی نے سب کی توجہ اپنی جانب مرکوز کروا لی ہے۔مصر میں ڈاکٹر مصباح دارلا شفاءہسپتال کے کورونا وائرس کے وارڈ میں اپنی ڈیوٹی انجام دیتی ہیں جہاں وہ مریضوں کا علاج کرنے کے علاوہ ہر ایک سے حسن اخلاق سے بھی پیش آتی ہیں۔وارڈ میں خدمات انجام دیتے ہوئے ان کی ملاقات محمد فاہمے سے ہوئی جو کورونا وائرس کے مریض تھے۔ڈاکٹر مصباح نے دو ماہ تک محمد فاہمے کا علاج کیا اور ان کا بہت خیال رکھا۔دو ماہ کے مسلسل علاج کے دوران ڈاکٹر مصباح اور محمد فاہمے ایک دوسرے کی محبت میں گرفتار ہو گئے۔بعدازاں جیسے ہی محمد فاہمے صحت یاب ہوئے انہوں نے ڈاکٹر مصباح سے منگنی کرلی۔ دونوں کی تصاویر بھی سوشل میڈیا پر وائرل ہو چکی ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button