اہم خبریںاہم خبریںپاکستان

میں واپس آکر دکان کھولوں گا،73 سال سے انتظار جاری

 بلوچستان سے 1947 میں انڈیا جانے والے ہندو کی دکان  آج تک کسی نے نہ کھولی، 73 سال سے دکاندار کے لوٹنے کا انتظار جاری

لورا لائی (ویب ڈیسک) پاکستان کے صوبہ بلوچستان کے شہر لورالائی میں ایک ہندو کی دکان تقسیم وقت سے بند ہے۔ 1947 میں تقسیم  کے وقت ہندو نے دکان کے مالک سے کہا تھا کہ وہ واپس آکر دکان کھولے گا تب سے آج تک یہ دکان اس ہندو کا انتظار کر رہی ہے۔ میڈیا رپورٹس کے مطابق یہ  دکان  لورا لائی کے علاقے میختر میں موجود ہے۔ اس دکان کو ایک ہندو نے مسلمان  پشتون شہری سے کرائے پر لیا تھا۔ 1947 میں تقسیم ہند ہوئی تو ہندو اپنے گاؤں والے سے مل کر بہت رویا، اس نے دکان کے مالک سے کہا کہ وہ ضرور واپس آئے گا اور خود ہی اپنی دکان کھولے گا۔دکان کے مالک نے 1947 میں اپنے ہندو کرائے دار سے وعدہ کیا جو آج تک نبھایا جارہا ہے۔تقریباً 73 سال گزرنے کے باوجود اس دکان پر آج بھی ہندو  کاکڑ کا تالا لگا ہوا، دکان کا مالک  جب فوت ہوا تو اس نے اپنے بچوں سے وعدہ لیا کہ وہ اس دکان کو کبھی نہیں کھولیں گے بلکہ اسے ہندو خود ہی کھولے گا۔ دکان مالک کے فوت ہونے کے بعد آج بھی اس کے بچے اپنے باپ کی دی ہوئی زبان کا پاس رکھ رہے ہیں اور تقریباً 73 سال سے یہ دکان اپنے دکاندار کا انتظار کر رہی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button